Nok ein gong samla DJ-Ørn folkemusikkinteresserte til dyst på fabrikken for å koma nærare avgjerda på folkemusikkquizen 2006/2007, ein konkurranse som vert meir spennande enn arrangørane nokon gong hadde tort å tenkje på. 

Det var Lofthusen Trio som trekte det lengste strået denne gong også, til tross for at Mats Johansson var ute med skade. (det ryktast at han har ein enzymdefekt i binyrebarken, men dette er ikkje stadfest) Dei stilte med denne kvartetten: Niels Røine (på biletet der han vert intervjua av bror sin Anders), Herbjørn Liahagen, Marit Vestrum og Camilla Granlien. Det at dei er betre til å svare på spørsmål om folkemusikk enn dei er til å telje skal me ikkje bruke mot dei, sidan dei vann ein relativt overlegen siger med sine 36,5 poeng. Like klar var andreplassen til NFD som fekk 33 poeng, medan Quizlaget for spelemenn enda opp på tredjeplass med 29,5 til slutt. 

Dette gjer til at det er svært så tett i toppen av tabellen (sjå nedanfor) med 7 poeng til NFD og Lofthusen trio medan Quizlaget for spelemenn fylgjer tett på med sine 6 poeng. Det kan gå mot fotofinish eller superfinale, alt etter som kva DJ-Ørn og medhjelparane hass finn ut, den som ser fær sjå. Det er fleire ting som talar for at Lofthusen Trio seglar opp som favorittar; formkurva deira og ikkje minst innbyttarbenken. Å ha kapasitatar som Camilla Granlien, Marit Vestrum og Margrethe Nordmoen på benken tyder på ein svært brei spelarstall som skal bli vanskelege å slå.

Det var og to nykomarar på plass denne gongen; Niels røines fanklubb og Dal-botten, hjarteleg velkomne skal de vera. På andre sida av skalaen finn me Telelaget og Noregs ungdomslag som er dei einaste som har stilt opp på samtlege rundar - OsloFOLK bøyer seg i støvet av innsatsen.

Det gjev denne tabellen etter 4 rundar:

Rundt 20 menneske hadde trossa uveret, teke fram paraplyen og karra seg til Fabrikken for å delta i den tredje runden av årets folkemusikkquiz. Dei fordelte seg etterkvart på fire lag som alle var væpna til tennene på folkemusikkunnskap. Denne gong var det kvartetten "Lofthusen trio" som vann. Dei hadde utvida besetninga til fire personar; Herbjørn Liahagen (biletet), Mads Johansson, Niels Røine og Camilla Granlien og vann ein relativt overlegen siger med 64 poeng.
Nummer to vart altså NFD med 59 poeng, som etter ei kvilepause førre runde var på plass att skadefri og i storform, etter dei kom Noregs Ungdomslag på tredje plass medan Telelaget måtte ta til takke med sisteplass denne gong. Det er likevel ingen grunn til å henge med hovudet; ting kan snu seg fort i quizverda og takk vera ihuga oppmøte har Telelaget den beste poengsummen totalt.

Samanlagtleiarane frå Quizlaget for spelemenn måtte melde avbod grunna for stor strekk i laget, og har difor gjeve samanlagtleiinga attende til NFD, men no er det tett i toppen!

Det gjev denne tabellen:

Rundt 30 folkemusikkinteressert ungdom i alle aldrar møttest til dyst på OsloFOLK's fyrste folkemusikkquiz, og etter at DJ- Ørn hadde levert frå seg 36 fabelaktige spørsmål om folkemusikk i alle slags fargar, var det NFD sitt lag som stakk av med sigeren. På laget fann me Leiaren Åshild Vetrhus, sjefen for folkemusikkformidlinga Lene Furuli (biletet) samt artistane Jon Anders Halvorsen og Britt Pernill Frøholm.

På andreplass kom Noregs Quizlag, med mellom anna Tore Bruvoll og Lars Underdal frå OsloFOLK, tett fulgt av Numedalslaget med tidlegare leiar av OsloFOLK Nils Øyvind Bergset som kaptein.

Det gjev denne tabellen etter fyrste serierunde:

Lag:                             Antal rundar      Målforskjell        Poeng   

NFD                                     1                             +40                 3

Noregs Quiz Lag                    1                             +37                 2

Numedalslaget                      1                             +36                 1

Noregs Ungdomslag               1                             +35,5              0

Kaupe-krullar                        1                             +34                 0

Telelaget                               1                             +32,5              0


Som de ser av tabellen er det enno ikkje for seint i sesongen til å kunne hevde seg med nye lag. Det er litt synd at studentane ved musikkhøgskulen føler seg for unge og uerfarne til å stille opp, men det er flerie spørsmål de kan greie folkens så ikkje ver redd. NRK bør og kunne stille eit lag, samt Ta:lik og Østerdølene som har mykje folk her i byen.